حنا مَركَز، وكالة تسويق ونمو مقرّها مسقط، نعمل مع شركات في سلطنة عُمان والسعودية من 2022، فريقنا يضم أكثر من 40+ متخصص وخبير بين الإستراتيجية والتنفيذ لمساعدة عملائنا على الوصول للسوق والعملاء والفرص أسرع، وبناء نظام نمو فعّال يربط التسويق بنتائج البزنس، ويعتمد على البيانات بدل التخمين.
تعرّف علينا أكثرأغلب الشركات اليوم ما عندها مشكلة تسويق، المشكلة كل هذا التسويق ما تنعكس نتائجه على البزنس ولا أحد يلاحظه.
فالشركات صارت تنتج وتنفذ كثيرًا، بين فريق يكتب، وفريق يصمّم، ووكالة تعلن، ومبيعات تلاحق الفرص. الكل مشغول، والقنوات شغالة، لكن بدون منظومة تربط الجهد بالنتيجة وكل شخص يتحرك في اتجاه مختلف، ومحد شايف الصورة كاملة. فتزيد الحملات والمحتوى والتقارير، بينما يبقى السؤال الأهم بدون إجابة واضحة: «وش النتيجة اللي حققها كل هذا التسويق للبزنس؟».
شفنا هالمشكلة تتكرر كثير خلال سنوات مع الشركات في مختلف القطاعات والمراحل، لمّا التسويق يتحول إلى مهام منفصلة بدل ما يكون نظام واحد يخدم هدف تجاري واضح؛ يوفر جهد ووقت وميزانيات التسويق.
ومن هنا بدأت فكرة «مَركز».
جمعنا خبرات تمتد لأكثر من 15 سنة في التسويق والنمو، وبنينا وكالة تجمع الصورة كلها في مكان واحد؛ حيث نبدأ من أهداف البزنس، ثم نبني الحلول التسويقية المناسبة، ونشتغل على التنفيذ والتطوير والقياس باستمرار، بحيث يمشي كل شيء في اتجاه واحد.
هدفنا مو تسويق أكثر.
هدفنا نخلي التسويق يعمل بشكل أفضل.
فنبني أنظمة تسويقية تستمر، ومحتوى له هدف، وعلامات تترك أثر، وحضور يوصّلك للعميل في الوقت المناسب، والأهم، نربط كل هذا بنتائج تقدر تشوفها وتقيسها، مو بأرقام تفاعل شكلها حلو في التقرير وبس.
اليوم نشتغل من مسقط مع شركات B2B، من قطاعات SaaS والتقنية إلى الخدمات الاحترافية والمؤسسية، ونساعد المؤسسين وفرق التسويق والمبيعات والـGTM يبنون منظومة التسويق بشكل أفضل وأسرع وأقرب للنمو.
وهذه هي مَركَز: مكان واحد يجمع ويقدّم ويبني الحلول تسويقية كلها حول النتيجة اللي تبي توصل لها.
شريك حاضر معك دائمًا، قلبًا وقالبًا، يساعدك تنمو وتتوسّع.
مسيرتنا
الناس صارت مَركزنا.. والرحلة لسّه في بدايتها.
حملة أُطلقت عبر المنطقة خلال آخر 24 شهراً.
متوسط العائد على الإنفاق الإعلاني.
من العملاء يجدّدون أو يوسّعون نطاق العمل خلال عامهم الأول.
كيف نعمل
ما نبدأ بالحل قبل ما نفهم المشكلة؛ نغوص في البزنس والسوق والجمهور والأهداف عشان يكون كل قرار مبني على عِلم مو افتراضات.
نشوف التفاصيل الصغيرة لأنها غالبًا هي اللي تصنع الفرق الكبير؛ من الفكرة والرسالة إلى آخر نقطة في التنفيذ، ما نترك شيء للصدفة.
نحب الإنجاز السريع، لكن بدون ما نضحي بالجودة؛ نختصر الطريق، نقرر بسرعة، ونحوّل الأفكار إلى مخرجات فعلية بدون تعقيد زائد.
ما نعتبر المشروع انتهى بمجرد الإطلاق أو انتهاء العقد؛ نراقب النتائج ونحلل ونفهم ونستخدم البيانات عشان نحسّن ونطوّر باستمرار.
احجز استشارة مجانية نشوف مع بعض وين وضعك بالتسويق ووين تقدر توصل.
كلّم خبير تسويق الآن